CXXII.

1323, Mai 20. Frankenstein.

Johannes genannt Zecklo, Herr von Töppliwode, verkauft dem Kloster drei Fleischbänke in der Stadt Frankenstein.

(I)n nomine domini amen. (Om)ni calumpnie ianua precluditur, si quod agitur, scripti testimonio roboratur. Hinc nos Johannes dictus Zecklo, dominus de Tepilwode, omnibus hanc litteram intuentibus publice profitemur, quod pro quinquaginta marcis grossorum denariorum ex integro iam perceptis domino Heynrico abbati ac suo monasterio de Kamencz libere ac absolute et absque omni conditione servili, ducali vel civili quocunque nomine servicia censeantur, vendidimus ac eciam resignavimus coram bannito iudicio ad hoc negocium celebrato, tria macella carnium sita in Frankensteyn civitate exponenda pro dictorum fratrum libera et beneplacita voluntate, quibus et quando ipsis placuerit ac pro precio qualicunque non obstante, si forte discordiam quocunque de causa cum aliis carnificibus ibidem contingerit nos intrare; hoc intellecto specialiter in premisso contractu, postquam dictam summam quinquaginta marcarum dictis fratribus persolverimus, simul et semel ac eciam in parato extunc dicta macella ad nos iusto empcionis tytulo revertentur. In cuius rei testimonium presentes ipsis dedimus appensione nostri sigilli munitas. Datum et actum in Frankensteyn XIII° Kallendas Junii anno domini M°. CCC° vicesimo tercio, presentibus hiis testibus: Petro de Bela, Johanne et Petro de Adelhungesbach patruelibus nostris, Hermano Strith sororio nostro et scabinis infra positis: Gunthero advocato nostro, Heinrico Guetcowf, Heinrico Symonis, Nicolao Brasiatore, Nicolao de Banow, Tilone Furestario, Conrado Wyncruch et aliis fide dignis.

Or. Perg. Das S. des Johannes dictus Zecklo an einem Pergamentstreifen. Pfotenhauer, Siegel S. 31. (B. VI. 52.)

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.